Cursei a licenciatura bioloxía pola Universidade de Santiago de Compostela obtendo o título licenciado no ano 2006. No ano 2008 incorporeime ó grupo de Xenética Psiquiátrica do Instituto de Investigación Sanitaria de Santiago de Compostela (IDIS) e a Fundación Pública Galega de Medicina Xenómica comenzando o meu traballo de investigación para a obtención do titulo de suficiencia Investigadora rematando este, no ano 2010. Nesta primeira fase de formación, tratabamos de buscar variantes raras que causasen un aumento no risco a padecer esquizofrenia, centrándonos nun único xene (DISC1) clave nunha serie de rutas involucradas no neurodesenvolvemento. Como continuación disto, empecei a miña etapa de estudante predoutoral este mesmo ano, o cal continua na actualidade, e no que tratamos de buscar variantes raras asociadas ó trastorno en pacientes esquizofrénicos e controis mediante técnicas de secuenciación de nova xeración nun serie de xenes previamente relacionados coa esquizofrenia.
Ó par do meu traballo de investigación, no ano 2010 empecei a traballar na plataforma do banco de ADN do CIBERSAM (Centro de Investigación Biomédica en Red de Salud Mental) no que a miña función trata de xestionar, manipular , procesar e almacenar mostras de controis e pacientes de distintas enfermidades mentais (esquizofrenia, trastornos do espectro autista, retraso mental, trastorno bipolar, etc.) procedentes dos distintos grupos que forman a rede. Dende ano 2014, tamén formo parte do CEGEN (Centro Nacional de Genotipado) no seu nodo situado en Santiago, realizando traballos de xenotipado de alto rendemento na plataforma de Affymetrix.